Баацагаан сумын Бөөнцагаан нууран дээр 2015 оны 02 дугаар сарын 28-ны өдөр сумын бүх иргэдийн дунд "Бөөнцагаан нуурын уянга" мөсний баярыг сумын ИТХ-ын хамт олон зохион байгуулахад идэвхтэй оролцлоо. Мөсний баярт иргэд, байгууллагаас 10 хүний бүрэлдэхүүнтэй 12 баг мөн аймгийн ИТХ-ын төлөөлөгч, тэргүүлэгч Т.Бат-Очир баг хамт олноороо оролцов. Тэмцээнд "Дээлтэй Монгол", олс таталт, мөсний шагай, хээрийн цайны амталгаа, шүлгийн уралдаан, мөсөөр дүрс бүтээх зэрэг  олон сонирхолтой тэмцээн зохион байгуулж нийт дүнгээрээ сумын Засаг даргын тамгын газрын баг тэргүүлэн эхний 3 баг, тусгай байрын 3 шагнал  шалгаруулж, шагналын санг аймгийн ИТХ-ын төлөөлөгч Т.Бат-Очир ивээн тэтгэж шагналаа.